दिनांक: ३१ ऑगस्ट २०२५
तळवणे प्रतिनिधी: शंकर गावडे
शनिवारी दि. ३० ऑगस्ट रोजी सायंकाळी तळवणे खिरईवाडी येथील तेरेखोल खाडीच्या पात्रात अनोळखी पुरुष मृतदेह सापडला असून त्याचे वय अंदाजे ४३ असल्याचे अंदाज पोलिसांनी वर्तविला आहे.
सावंतवाडी पोलीस ठाणेमध्ये आकस्मिक मृत्यूची नोंद करण्यात आली आहे. या घटनेची माहिती मिळताच तळवणे पोलीस पाटील महादेव केरकर यांनी घडलेल्या घडामोडीची माहिती पोलिसांना दिली.
मृत व्यक्तीच्या अंगावर निळसर फिकट रंगाची जीन्स पॅन्ट व बनियन उजव्या हातामध्ये रुद्राक्षाची माळ असल्याची माहिती पोलिसांनी दिली आहे. सावंतवाडी पोलीस ठाण्याचे पोलिस निरीक्षक अमोल चव्हाण, आरोंदा पोलिस दुरक्षेत्राचे बीट अंमलदार अरवारी पोलीस निरीक्षक चव्हाण यांच्या मार्गदर्शनाखाली पुढील कार्यवाही चालू आहे.