दिनांक: १ ऑक्टोबर २०२५
सावंतवाडी प्रतिनिधी: विलवडे गावच्या तंटामुक्ती अध्यक्षपदी माजी उपसभापती कृष्णा उर्फ दादा सावंत यांची फेरनिवड करण्यात आली. विलवडे ग्रामसभेत ही निवड करण्यात आली.
यावेळी सरपंच प्रकाश दळवी उपसरपंच विनायक दळवी, माजी उपसभापती विनायक दळवी, माजी सरपंच मोहन दळवी, हरिश्चंद्र दळवी, नंदकिशोर दळवी, ग्रामपंचायत अधिकारी आरती चव्हाण, सुरेश सावंत, प्रतिक दळवी, राकेश दळवी, शिल्पा धर्णे,, प्रमोद दळवी, सोनू गवस आदी ग्रामस्थ उपस्थित होते.
कृष्णा सावंत यांनी यापूर्वीही तंटामुक्त समिती अध्यक्ष पदासह गावात अनेक पदे भूषविली. गावाच्या शैक्षणिक, सामाजिक, कला, क्रिडा व धार्मिक क्षेत्रात त्यांचे सक्रिय योगदान आहे. या निवडीबद्दल त्यांचे सरपंच प्रकाश दळवी यांच्यासह विविध क्षेत्रातील मान्यवरांनी अभिनंदन केले आहे.