संधुदुर्ग: संपादकीय
दिनांक ८ जून २०२४
मडूरा दशक्रोशीतील वीज ग्राहकांच्या विभागीय बैठकीत महावितरण अधिकाऱ्यांच्या कार्यपद्धतीबद्दल संतापाचा सूर उमटला. वेगवेगळे चार्जेस आकारून ग्राहकांची लुटमार सुरू असताना ग्राहकांना सेवा देण्यात मात्र महावितरण पूर्णपणे अपयशी ठरल्याचा आरोप करण्यात आला. सिंधुदुर्ग जिल्हा वीज ग्राहक संघटनेच्या माध्यमातून ग्राहकांच्या तक्रारींवर प्रशासकीय पातळीवरून थेट वीज मंत्रालयात पाठपुरावा करण्याचा निर्णय घेण्यात आला.
सावंतवाडी तालुका वीज ग्राहक संघटना आणि बांदा व्यापारी संघ यांच्या माध्यमातून वीज समस्यांवर चर्चा करण्यासाठी विभागीय बैठकीचे आयोजन करण्यात आले होते. यावेळी जिल्हा समन्वयक ॲड. नंदन वेंगुर्लेकर, सावंतवाडी तालुकाध्यक्ष संजय लाड, सचिव निखिल नाईक, समन्वयक गणेश बोर्डेकर, सदस्य रामचंद्र राऊळ, मडुरा सरपंच उदय चिंदरकर, कास सरपंच प्रवीण पंडित, सातोसे सरपंच प्रतीक्षा मांजरेकर, निगुडे सरपंच लक्ष्मण निगुडकर, रोणापाल माजी सरपंच सुरेश गावडे, मळगाव माजी सरपंच गणेशप्रसाद पेडणेकर, आरोस माजी सरपंच केशव नाईक, मडूरा उपसरपंच बाळू गावडे, बांदा व्यापारी संघाचे खजिनदार मंगलदास साळगावकर आदी उपस्थित होते.
बैठकीच्या सुरुवातीपासूनच वीज ग्राहकांनी आक्रमक पवित्रा घेतला होता. निकृष्ट वीज खांब, जीर्ण विद्युतवाहिन्या, सहाय्यक अभियंता यांची उडवाउडवीची उत्तरे, मोबाईल स्विच ऑफ ठेवणे, कमी दाबाचा वीज पुरवठा, वारंवार वीज गायब होणे, फॉल्टी मीटर, विद्युत वाहिन्यांवरील झाडीझुडपे सफाई न करणे अशा आशयाच्या अनेक तक्रारी या बैठकीत करण्यात आल्या.
यावेळी ॲड. नंदन वेंगुर्लेकर म्हणाले, महावितरण कंपनी विविध चार्जेस आकारून वीज ग्राहकांची अक्षरशः लुटमार करीत आहे. पावसाळ्यापूर्वी करावयाची कामे अद्यापपर्यंत केलेली नाहीत. त्यामुळे पहिल्याच पावसात ग्रामीण भागात चार – पाच दिवस वीज गायब होती. महावितरणशी सामूहिक लढा देताना आपल्या समस्यांची लेखी तक्रार करा. संघटनेच्या माध्यमातून त्या सोडविण्यासाठी पाठपुरावा करण्यात येईल असे स्पष्ट केले.
यावेळी सातोसे उपसरपंच रुपेश साळगावकर, वसंत धुरी, दाजी सातार्डेकर, सदाशिव गाड, बाबा सावंत, यशवंत माधव, माधुरी वालावलकर, मोहन गवस, प्रकाश वालावलकर, दिनेश नाईक, प्रवीण नाईक, गौरेश परब, अरुण परब, सिद्धेश नाईक, दत्ताराम परब, शंकर परब, प्रसाद मांजरेकर, अमोल मेस्त्री, विजय वालावलकर, संतोष जाधव, सुधीर नाईक, सुभाष गावडे, मंदार वालावलकर, पांडुरंग पंडित, कृष्णा अमरे, विद्याधर नाईक, बाबली परब, घनश्याम गावडे, मंदार नाईक, तुकाराम कांबळी, नंदू परब, गोपाळ सातार्डेकर आदींसह परिसरातील वीज ग्राहक मोठ्या संख्येने उपस्थित होते. प्रास्ताविक मंगलदास साळगावकर यांनी तर आभार सुरेश गावडे यांनी मानले.
