डोंगरपाल येथील  श्री सिद्धेश्वर भंडारा उत्सव आज..

सिद्धाचा डोंगर या ठिकाणी होणारा हा भंडारा उत्सव.

बांदा प्रतिनिधि: अक्षय मयेकर

दिनांक: १२ फेब्रुवारी २०२५

डोंगरपाल येथील श्री सिद्धेश्वर महापुरुष भंडारा उत्सव बुधवार दि. १२ फेब्रुवारी रोजी साजरा होत आहे. यानिमित्ताने विविध धार्मिक कार्यक्रमांचे आयोजन करण्यात आले आहे. बुधवार दि. आज सकाळी १० वा. पुजाअर्चा व धार्मिक विधी,
डोंगरपाल ग्रामस्थ, महिला व इच्छुक भाविकांचे भजन, सायं. श्री स्वामी समर्थ मठ, डोंगरपाल यांचा हरिपाठ त्यानंतर नवस करणे, नवस फेडणे,
रात्रौ ८ ते ९ सुश्राव्य भजन,   पावणी चा कार्यक्रम होतो.रात्रौ ११ नंतर भंडारा (महाप्रसाद)आदी कार्यक्रम होणार आहेत.
      सुमारे ३०० वर्षांपूर्वी डोंगरपाल गावातील एका डोंगरावर एका सिद्ध योगी महापुरुषाने जिवंत समाधी घेतली होती. त्यावरून या डोंगराचे सिद्धाचा डोंगर असे नाव ठेवले गेले.

       या ठिकाणी भंडारा पौर्णिमेला दरवर्षी भंडारा उत्सव साजरा केला जातो. या उत्सवाला महाराष्ट्र तसेच गोव्यातून मोठ्या संख्येने भाविक नवस करण्यासाठी तसेच नवस फेडण्यासाठी येतात.
भाविकांनी श्री दर्शनाचा लाभ घ्यावा असे आवाहन देवस्थान कमिटी आणि डोंगरपाल ग्रामस्थ यांच्यावतीने करण्यात आले आहे.