भाजपची रॅली म्हणजे उतावळा नवरा गुडघ्याला बाशिंग….

महिला काँग्रेस जिल्हाध्यक्ष साक्षी वंजारी यांचा भाजपावर जोरदार हल्ला!

दिनांक: २२/०४/२०२६

सावंतवाडी:सावंतवाडी दि.१९: सावंतवाडीत भाजपने काढलेल्या रॅलीवरून राजकीय वातावरण तापले आहे. सिंधुदुर्ग जिल्हा महिला काँग्रेस अध्यक्षा सौ. साक्षी वंजारी यांनी भाजपच्या ‘क्रेडिट पॉलिटिक्स’चा समाचार घेताना सडकून टीका केली आहे.

📌 मुख्य आरोप आणि मुद्दे:
🔹 प्रसिद्धीचा हव्यास: “उतावळा नवरा गुडघ्याला बाशिंग” या म्हणीप्रमाणे भाजपने केवळ प्रसिद्धीसाठी घाईघाईत रॅली काढली. एक दिवसही संयम न दाखवता श्रेय लाटण्याचा हा प्रयत्न हास्यास्पद आहे.

🔹 विद्यार्थ्यांचा वापर: स्वतःच्या शिक्षण संस्थेतील विद्यार्थ्यांचा राजकीय रॅलीसाठी वापर करणे चुकीचे आहे. ज्यांना आरक्षणाचे महत्त्व ठाऊक नाही, अशा विद्यार्थ्यांची दिशाभूल करणाऱ्यांवर कारवाई झाली पाहिजे.

🔹 फसवणुकीचा डाव: काल मांडलेले विधेयक हे आरक्षणाचे नसून ‘मतदारसंघ पुनर्रचना’ (Delimitation) संदर्भातील होते. आरक्षणाची अंमलबजावणी लांबणीवर टाकून महिलांची फसवणूक केली जात आहे.काँग्रेसची स्पष्ट भूमिका:
✅ महिला आरक्षण तात्काळ लागू झाले पाहिजे.
✅ आरक्षणात ओबीसी (OBC) महिलांसाठी स्वतंत्र कोटा असावा, जेणेकरून सत्तेत खरा ‘सामाजिक न्याय’ प्रस्थापित होईल.
✅ केवळ उच्चवर्गीयांपुरते आरक्षण मर्यादित न राहता ते तळागाळातील महिलांपर्यंत पोहोचावे.

“महिला आरक्षण हा केवळ निवडणुकीचा जुमला तर तो समाजातील दुर्लक्षित घटकांना न्याय देणारा असावा. असे सिंधुदुर्ग जिल्हा महिला काँग्रेस अध्यक्ष साक्षी वंजारी यांनी म्हटले आहे.